I was nima recht wann i heid aufgstandn bin. Schätz es woa so gegen 11.00 vormittags. Seit a poa Tog bin i do auf Facebook auf so a Veranstaltung aufmerksam worn. http://www.facebook.com/events/329379650424436/
15J Global Change - Empört Euch! Keine Ahnung was das bedeuten soll. Hm. Da Herr Düringer haltet a Rede. Hm. Irgendwas mit dem Wort 'Wutbürger' is ma da ins Gedächtnis gerufen worn. Keine Ahnung was gmand woa damit. Wut. Wütend fühl i mi ned. Kann i mi ned wirklich damit identifizieren. Mir geht's eigentlich recht guad. Würd des als ausgeglichen bezeichnen. Aber irgendwas is dran an dem Wort. Wut. Warum wütend sein? Hab i ma dacht, des horch i ma moi live an. Die Sonne hat einagschienen beim aufsteh. A weng liegen bleiben, wachkuscheln, Frühstück machen, Zähneputzen, Gsicht waschen, frühstücken, facebooken, Musik hern, informieren, a poa Leid kontaktieren obs leicht heid am Stephansplatz schaun, mit wenig Erfolg weil Prüfungszeit und fertig vom Wochenende. Kennt ma eh. Oba i hob ma dacht, i schau do hin. Irgendwas zwielichtiges is auf da Veranstaltungsseitn gstandn auf Facebook. Wuascht. Einfoch amoi higeh. Hab ja nix zu tun heid zum Glück sonst. Najo, Bewerbungen soitat i schreiben. Hm. Auf jeden Fall sama dann mal los gangen, ham uns beim Westbahnhof verabschiedet und los geht die Reise mit der U-Bahn (ohne Ticket, Fuck ich bin so asozial) Richtung Stephansplatz. Wenig Leute war da erste Eindruck beim Ankommen am Ort des Geschehens. Najo. Stell ma si moi am Rand und schaun si des ganze an. Kommt der Herr HÖRMANN und haltet a Rede. I wor am Anfang skeptisch. Wichtige Themen über die der da redet. Und auf a Art und Weise, die so friedlich und progressiv umakumd. Themen wie Finanzkrise, Steuern, Gerechtigkeit. Und auf amoi fallen do Wörter wie Emotionale Bildung. Und freie Bildung. Für alle. Ganz sche wichtige Themen. I glaub mir hats dann sogar a Klatschen hervorgelockt. Triff i auf amoi die Mahriah von Global2000. Lang ned gseng, rauchen mal gemeinsam. A Bier hab i a mitghabt. Voi Guad. Stiegl Paracelsus Zwickl. Gibt's ned überoi, oba bei meim Billa um die Eckn zum Beispiel. Echt guades Bier! Des Publikum anwesend an diesem schönen Sonntag (hui, olle ham den Freitag den 13. überlebt, voi guad, bestätigt wieder dass des goa ned so schlimm is, mei Freitag wor recht lustig haha. Bogi danke numoi für dieses feine Fest! Haha. Wo wor i?) ajo. a bissal kalt wor's draussen. Des hod glaubi einige Leid von der Veranstaltung abghaltn. Najo. Aber der Rest der '99%' (vo wos?) die Anwesend waren, ham alle ein nettes Lächeln auf den Lippen ghabt. A Typ hat dann auf amoi riesengroße Seifenblasen gmacht. Siagt ma a ned jeden Tag. Voi guad. Jo, musikalische Untermalung war von Kilez More (extrem geiler Sound und Inhalt) von dem i ma die CD leider ned kaufen hab kena weil i ka Kohle hab. Aber es hat gheissen wenn i erm kontaktier bekomm i die Tracks gratis. Moi schaun. Triff i auf amoi die Lisi, Steffi, Ida, den David und zwei nette Denkfabrikatler. Quaschten a bissal. Trinken Bier, Kaffee und Rauchen. Stellen si a wengal weiter aufd Seitn weil ma da besser siagt. Kommt da MARTIN BALLUCH, ein medial bekannter Tierschützer der kürzlich inhaftiert war, nach am scheisslangen Prozess aber Gerechtigkeit erfahren hat, auf die Bühne und redet. Ãœber so Sachen wie Freiheit, vor allem Meinungsfreiheit. Und über Geschichte. Dass do amoi so a "Operation Spring" geben hod. Domois. Und diesen berüchtigten Paragraphen. Den kana so wirklich mog. §278a. Vorratsdatenspeicherung. Meinungsfreiheit. Geschichte. Tjo. Eine bewegende Rede. Wieder Musik von Kilez More. Kumd dann schlussendlich der Herr Düringer. Und fragt si erst amoi wos er do soi, weil normalerweise is er ja Schauspieler und unterhält Leute für Geld. Oba er redet jetzt zum ersten Mal auf ana soichn Veranstaltung. Fragt si wo die '99%' san (woascheinlich lernen, schlafen, daham weils so kalt is oder keine Ahnung wo). Gherd der do dazua? Wer gherdn do dazua? 'Wutbürger'. Do is des Wort. Da Herr Düringer sagt dann dass Mut viel gscheida warad. Und dass ma bei sich selbst anfangen soid. Mut darauf zu achten, was i kauf, was i denk, dass i eh kan Schaden anricht um mi herum, dass i mit olle guad auskum, versuach an Konsens zu finden. Und des ganze hat er so lustig umabracht, echt guad. Muas ma dabei gwesn sei des kann i ned erzön. Auf jeden Fall war die Stimmung bei der Veranstaltung echt guad. Und i hab ma dacht: war des jetzt politisch? Warn wir do grod politisch? Da ORF wor anwesend. Politiker ned. Kann ma politisch sei ohne Politiker nach ernara Meinung zu fragen? I man, de mochn jo die Politik. War's a Treffen von ähnlich Gesinnte? Die einfach am Sonntag beisammen san am Stephansplatz in Wien und a wengal drüber reden was grad so in der Welt passiert und was ma so machen soll und wie ma was ändern kennt dass für olle gscheida is. I rauch amoi ane und dann dua i a wengal Facebooken.